மீண்டும் வசூலை குவித்து சாதனை படைக்கும் ‘சச்சின்’

சமீப ஆண்டுகளில், கிளாசிக் தமிழ் படங்களை மீண்டும் வெளியிடுவது வேகம் பெற்றுள்ளது, இதனால் ரசிகர்கள் பெரிய திரையில் தங்களுக்குப் பிடித்த தருணங்களை மீண்டும் அனுபவிக்க முடிகிறது. விஜய்யின் ‘கில்லி’ மறு வெளியீட்டுக்கு பிறகு விஜயின் கிளாசிக் படங்கள் மீது ரசிகர்களுக்கு ஆர்வம் ஏற்பட்டுள்ளது.
அந்த வகையில் 2005ம் ஆண்டு வெளியாகி சூப்பர் ஹிட்டான ‘சச்சின்’ கடந்த 18ம் தேதி நவீன தொழில்நுட்பத்தில் மறு வெளியீடு செய்யப்பட்டது. படம் வெளியாகி 20 ஆண்டுகள் நிறைவடைந்ததை குறிக்கும் வகையில் இதன் வெளியீடு அமைந்தது.

இந்த படம் அதன் மென்மையான கதை சொல்லும் தன்மை, நகைச்சுவை காட்சிகள் மற்றும் இசைக்காக ரசிகர்களின் விருப்பமாக உள்ளது. மறு வெளியீட்டின் மூலம், விஜய் மற்றும் ஜெனிலியாவின் திரை வேதியியல், வடிவேலுவின் நகைச்சுவை மற்றும் தேவி ஸ்ரீ பிரசாத்தின் சூப்பர் ஹிட் பாடல்கள் குளிர்ச்சியான ஒலிப்பதிவு ஆகியவற்றின் வசீகரத்தை மீண்டும் அனுபவிக்க பார்வையாளர்களுக்கு வாய்ப்பு கிடைத்துள்ளது.

திரைப்பட இயக்குனர் மகேந்திரன் மகன் ஜான் மகேந்திரன் இயக்கியுள்ள ‘சச்சின்’ படத்தில் ஜெனிலியா டிசோசா, ரகுவரன் , பிபாஷா பாசு, வடிவேலு, சந்தானம் , மயில்சாமி, தாடி பாலாஜி ,
மற்றும் சாம்ஸ் உள்ளிட்ட பலர் நடித்துள்ளனர். ஏப்ரல் 18 ஆம் தேதி மீண்டும் வெளியிடப்பட்ட சச்சின் வெள்ளித்திரையில் தனது பழைய மாயாஜாலத்தை மீண்டும் உருவாக்கி உள்ளது. உலகமெங்கும் வெளியாகி வசூல் மழை பொழிகிறது சச்சின்.