தமிழில் வெளியாகும் உபேந்திரா படம்

கன்னட சினிமாவின் முன்னணி நடிகர் உபேந்திரா. தமிழில் பல படங்களில் நடித்துள்ளார். அவர் நாயகனாக நடித்து அவரே இயக்கிய ‘யு1’ என்ற படம் முதன் முதலாக தமிழில் நாளை வெளியாகிறது. படம் தெலுங்கில் தயாராகி இருந்தாலும் இந்திய மொழிகளில் பான் இந்தியா படமாக வெளிவருகிறது.

இந்த படத்தை லஹரி பிலிம்ஸ் எல்.எல்.பி மற்றும் வீனஸ் என்டர்டெய்னர்ஸ் சார்பில் ஜி.மனோகரன், கே.பி.ஸ்ரீகாந்த் தயாரித்துள்ளனர். ரேஷ்மா, சன்னி லியோன், சாது கோகிலா, முரளி சர்மா, இந்திரஜித், நிதி சுப்பையா உள்பட பலர் நடித்துள்ளனர். அஜ்னேஷ் லோகநாத் இசை அமைத்துள்ளார், வேணுகோபால் ஒளிப்பதிவு செய்துள்ளார்.

படம் தமிழில் வெளியாவது குறித்து உபேந்திரா கூறும்போது “ இந்தப் படம் ஒரு ஃப்ரூட் சாலட் போல தமிழ் ரசிகர்கள் எதிர்பார்க்கும் எல்லா விஷயங்களும் இந்தப் படத்தில் இருக்கும். கமர்ஷியல் படத்திற்கு ஏற்ற எல்லா விஷயங்களும் இதில் இருக்கிறது. இன்னொரு சர்ப்ரைஸான விஷயமும் இதில் இருக்கிறது. தமிழ் ரசிகர்கள் எனது அன்புக்குரியவர்கள், என் படத்தை ஆதரிப்பவர்கள், இந்த படத்திற்கும் நல்ல வரவேற்பை தருவார்கள் என்ற நம்பிக்கை இருக்கிறது” என்றார்.

நடிகை ரேஷ்மா, “முதல் முறையாக சென்னைக்கு என் படத்தின் புரோமோஷனுக்காக வந்திருப்பது மகிழ்ச்சி. என் கதாபாத்திரம் பற்றியும் படம் பற்றியும் பெரிதாக நான் பேச முடியாது. ஆனால், படம் நிச்சயம் உங்களுக்கு பல ஆச்சரியங்களைக் கொடுக்கும்” என்றார்.