10 மணிநேரம் நடந்த ‘டீன்ஸ்’ இசை வெளியீட்டு விழா: இதிலும் பார்த்திபன் சாதனை

பார்த்திபன் என்றாலே புதுமை, சாதனைதான், ஓரே ஷாட்டில் படமானது, ஒருவரே நடித்தது என பல கின்னஸ் சாதனைகளை படைத்தவர் தற்போது தான் இயக்கி வரும் குழந்தைகள் படமான ‘டீன்ஸ்’ படத்தின் பாடல் வெளியீட்டு விழாவை 10 நேரம் தொடர்ந்து நடத்தி அதிலும் சாதனை படைத்திருக்கிறார். காலை 9 மணிக்கு கமலா  தியேட்டரில் தொடங்கிய இந்த விழா இரவு 7 மணிக்கு நிறைவடைந்தது. அதுபற்றி விபரம் வருமாறு:

உலகிலேயே முதல் முறையாக திரையரங்குகளில் தணிக்கை சான்றிதழ் உடன் முதல் பார்வை வெளியிடப்பட்டு சாதனை படைத்த இராதாகிருஷ்ணன் பார்த்திபனின் முற்றிலும் மாறுபட்ட, குழந்தைகளை மையமாகக் கொண்ட சாகச திரில்லரான ‘டீன்ஸ்’ தபடத்தின் இசை மற்றும் டிரெய்லர் சென்னையில் நடந்தது.

ஒரே நாளில் ஒரே இடத்தில் அதிக நேரம் இசை வெளியீட்டு நிகழ்ச்சிகள் நடத்தப்பட்ட படம் என்பதற்கான சான்றிதழ் ‘டீன்ஸ்’ திரைப்படத்திற்கு உலக சாதனைகள் சங்கத்தால் வழங்கப்பட்டது. பதிமூன்று குழந்தைகளை மையமாகக் கொண்ட கதை என்பதால் பல்வேறு துறைகளில் சாதனை புரிந்த 13 இளம் வயதினருக்கு ‘டீன்ஸ்’ படக்குழு நேரில் பாராட்டு தெரிவித்தது.

விழாவில் இசைக் கலைஞர் லிடியன் நாதஸ்வரம், நடிகை பூர்ணிமா பாக்யராஜ், ‘டீன்ஸ்’ தயாரிப்பாளர்களில் ஒருவரான டாக்டர் பின்ச்சி ஸ்ரீநிவாசன், கவிஞர் மதன் கார்கி, இயக்குநர் கே எஸ் ரவிக்குமார், இளம் நடிகர் விக்ரம் , நடிகை அக்ஷயா உதயகுமார் நடிகர் புகழ், நடிகை வனிதா விஜயகுமார், இயக்குநர் கௌரவ் நாராயணன், சக்தி பிலிம் பேக்டரி சக்திவேலன், நடிகர் விதார்த் பேசியதாவது, இயக்குநர் பேரரசு, நடிகர் ரோபோ சங்கர், நடிகர் யோகி பாபு, இயக்குனர் கே பாக்யராஜ் , நடிகர் தம்பி ராமையா, இசையமைப்பாளர் இமான் உள்பட பலர் பேசினார்கள்.

இந்த படத்தை கால்டுவெல் வேள்நம்பி, டாக்டர் பாலசுவாமிநாதன், டாக்டர் பின்ச்சி ஸ்ரீநிவாசன், ரஞ்சித் தண்டபாணி மற்றும் இராதாகிருஷ்ணன் பார்த்திபன் ஆகியோர் தயாரித்துள்ளனர். பயாஸ்கோப் டிரீம்ஸ் எல் எல் பி மற்றும் அகிரா ப்ரொடக்ஷன்ஸ் பேனரில் ‘டீன்ஸ்’ தயாராகியுள்ளது. கீர்த்தனா பார்த்திபன் அக்கினேனி இதன் கிரியேட்டிவ் தயாரிப்பாளர் ஆவார். இத்திரைப்படத்திற்காக இசை அமைப்பாளர் இமான் மற்றும் ஒளிப்பதிவாளர் காவ்மிக் ஆரி ஆகியோருடன் முதல் முறையாக இராதாகிருஷ்ணன் பார்த்திபன் இணைந்துள்ளார்.

விரைவில் வெளியாகவுள்ள ‘டீன்ஸ்’ படத்தை கோயம்புத்தூர் தவிர தமிழகம் எங்கும் சக்திவேலனின் சக்தி பிலிம் பேக்டரி வெளியிடுகிறத. கோயம்புத்தூர் வெளியீட்டு உரிமையை எல்மா பிக்சர்ஸ் என். எத்தில்ராஜ் பெற்றுள்ளார்.
============